Бил бирмәҫ көрәшселәр тәрбиәләр өсөн

Республика Башлығы Радий Хәбировтың инициативаһы һәм «Демография» милли проектының «Спорт—йәшәү нормаһы», "Спорт көрәше - Башҡортостан Республикаһы мәктәптәренә" проекты сиктәрендә Баймаҡ районының Темәс ауылы мәктәбендә милли көрәш залы асылды.

--Хәҙер беҙҙең районда ошондай 3 зал бар. Республикала был зал 50-сеһе. Йәш спортсыларҙы көрәш буйынса секция етәксеһе Самат Намазкаев һәм "Ауыл тренеры" программаһы буйынса эш башлаған йәш педагог Әмир Әхмәров өйрәтәсәк. Республика етәкселегенә төбәгебеҙҙә ошо спорт төрөн үҫтереүгә тос өлөш индергәне өсөн рәхмәтебеҙҙе белдерәбеҙ! Спортсыларға киләсәктә уңыштар теләйбеҙ!—тип яҙҙы үҙенең социаль селтәрҙәге сәхифәһендә Баймаҡ районы хакимиәте башлығы Фәнис Әминев.

#Нацпроекты#миллипроекттар#демография