Конкурста ҡатнашып машина яңыртҡандар

Былтыр октябрь айында Йылайыр районының Иван-Ҡыуалат ауыл биләмәһе «Иң яҡшы муниципаль практика» Бөтә Рәсәй конкурсының «Мунициапаль берәмектәрҙә халыҡ менән кире бәйләнеште тәьмин итеү, территориаль йәмәғәт үҙидаралығын үҫтереү һәм граждандарҙы урындағы үҙидаралыҡҡа йәлеп итеү» номинацияһында 3-сө урын яулағайны. Ошо көндәрҙә конкурс еңеүсеһе булараҡ алған аҡсаға ауыл биләмәһе етәкселеге «Lada Niva Travel» автомобиле һатып алған. Ҡотлайбыҙ! Яңы техникала елдереп йөрөп халыҡ мәнфәғәтен ҡайғыртырға яҙһын!