Кемдәр прививканан ҡурҡмай?

Рәсәй Президенты В.В.Путин белдереүенсә, ошо көндәрҙә төбәктәргә күпләп вакцина ебәрелде. COVID-19-ҙың таралыуына ҡаршы көрәш буйынса дәүләт штабы мәғлүмәтенә ярашлы, иң күп прививка эшләтеүселәр Магадан өлкәһендә (9,03%). Артабан Сахалинда -6,02%, Чукоткала - 5,97%, Мәскәүҙә - 5,52%, Белгородта - 5,37% кеше прививка алған. Башҡортостан әлегә 9-сы урында.

Тәүлек эсендә Рәсәйҙә 8457 кеше коронавирус киҙеүен йоҡторған, 427 кеше вафат булған. Пандемия башланғандан бирле барлығы 95,8 мең кеше үлгән, 4 миллон кеше һауыҡҡан.

Вакцинацияға Дәүләт хеҙмәттәре порталында, «Табипҡа» мобиль ҡушымтаһында йәки «Башҡортостан Республикаһы табибы» республика сайтында, колл-үҙәктең берҙәм телефоны (1301 һәм 122), Ковидҡа ҡаршы ситуация үҙәгендә (8-347-218-19-19) яҙылырға мөмкин.

#ВВПУТИН