Булыр бала--биләүҙән

Төбәктә мәктәпкәсә йәштәге балалар учреждениеһының өлкән төркөмдәре тәрбиәләнеүселәре араһында “Мәғариф” милли проектының “Һәр баланың ҡаҙанышы” программаһына ярашлы уҙғарылған “Беҙ гагаринсылар!” олимпиадаһының республика этабы тамамланды. Олимпиаданың “Физик культура” йүнәлешендә Сибайҙың “Ҡурай” балалар баҡсаһынан Ниил Ибраһимов ҡала намыҫын яҡланы һәм өсөнсө урынға лайыҡ булды. Тырыш малай һәр яҡтан килгән. Спортҡа һөйөү уның ҡаныңда. Бәләкәй генә булыуына ҡарамаҫтан,өлкән ағайы Дэниэлгә эйәреп атаһы етәкләгән бокс секцияһына йөрөй.

Афарин, Ниил!

#Нацпроекты#миллипроекттар#образование