Ҡалъянан баш тартыусылар табылырмы?

Рәсәй Дәүләт Думаһы Федерация Советы ағзаларының һәм Дума депуттарының статусы тураһындағы законға төҙәтмәләрҙе беренсе уҡыуҙа ҡабул итте. Унда Дәүләт Думаһы депутаттарына һәм Федерация Советы ағзаларына, Рәсәй Федерацияһының хеҙмәт һәм социаль яҡлау министры исеменә ғариза яҙып, пенсияға айлыҡ өҫтәмәнән үҙ иркең менән баш тартыу хоҡуғы биреү тәҡдим ителә. «Берҙәм Рәсәй»ҙән депутаттар һәм сенаторҙар пенсия өҫтөнлөктәренән баш тартырға әҙер булыуҙарын белдергән. Башҡа партияларҙан иһә бындай белдереүҙәр булмаған.