Хөкүмәт ағзалары менән кәңәшмә үтте

Рәсәй Президенты Владимир Путин Хөкүмәт ағзалары менән видеоконференция режимында кәңәшмә үткәрҙе.

Социаль контракт нигеҙендә граждандарға дәүләт социаль ярҙам механизмын үҫтереү — осрашыуҙың төп темаһы булды. Бынан тыш Covid-19-ға ҡаршы вакцина һалыуға әҙерлек, шулай уҡ грипҡа ҡаршы прививка кампанияһы барышы, синыф етәкселеге өсөн уҡытыусыларға түләүҙәр, башланғыс синыф уҡыусыларын ҡайнар аш менән бушлай тәьмин итеү хаҡында етди һөйләшеү булды.

Хөкүмәт Рәйесе урынбаҫары Татьяна Голикова коронавирус инфекцияһы таралмаһын өсөн хәүефһеҙлек саралары, медицина хеҙмәткәрҙәренә түләүҙәр тураһында һөйләне.

#ВВПУТИН