Заманса үҙәктәр асылды

“Мәғариф” милли проектына ярашлы илебеҙ төбәктәрендә “Үҫеш нөктәһе” үҙәктәре асылыу дауам итә. Былтыр Баймаҡ районының Урғаҙа, Йомаш, Беренсе Төркмән һәм Темәс мәктәптәрендә “Үҫеш нөктәләре” эшләй башлаһа, быйыл Баймаҡ ҡалаһының 1-се һәм 3-сө мәктәптәрендә лә ошондай уҡ үҙәктәр үҙ ишектәрен асты. Майҙансыҡтар уҡыу һәм проект эшмәкәрлеге сиктәрендә юғары технологиялы, заманса белем биреү ҡорамалдары менән йыһазландырылған. Уҡыусылар заманса 3D-принтерҙарын, компьютер программаларын үҙләштерә, квадрокоптерҙар менән идара итә, фотокамералар менән эшләргә өйрәнә, шахмат серҙәренә төшөнә, медиа продукциялар булдыра.

--Заманса үҙәктә фәҡәт һөҙөмтәле эштәр, күркәм ғәмәлдәр башҡарылыр. Киләсәктә районыбыҙ, республикабыҙ, илебеҙ ҡеүәтен арттырырҙай йәштәр үҫеп сығырына ышанабыҙ. Барығыҙға ла уңыштар, яңы ижади үрҙәр теләйем!--тине Баймаҡ районы хакимиәте башлығы Ф.Әминев, үҙәкте тантаналы асҡанда.

#нацпроекты#миллипроекттар