Аяғын ҡайтанан теккәндәр

Өфөнөң 21-се клиник ҡала дауаханаһы табиптары бик уникаль операция эшләгән. Баймаҡ районынан 39 йәшлек ирҙең аяғының өҙөлгән сирағын ҡайтанан теккәндәр. Бәхетһеҙ осраҡ бесән мәлендә теркәлгән. Ир ат сапҡысы менән сабып йөрөгәндә, аңғармаҫтан сирағы тирәһенән аяғын өҙә саба. Ҡыҙғанысҡа ҡаршы, зыян күреүсе оҙаҡ ваҡыт бесәнлектә яңғыҙ була, күп кенә ҡанын да юғалта.Урындағы "Ашығыс ярҙам" табиптары пациентка тәүге ярҙам күрһәтә, яраһын таҙарта. Сирлене тиҙ арала санитария авиацияһын саҡыртып- вертолет менән Өфөгә оҙаталар.