АТАЙСАЛ
+19 °С
Болотло
Антитеррор
Бөтә яңылыҡтар
Новости
9 Сентябрь 2020, 11:00

“Киләсәк уҡытыусыһы”конкурсы старт ала

11 сентябрҙә Өфөлә “Киләсәк уҡытыусыһы” һөнәри конкурсының ярымфиналы старт ала.“Рәсәй – мөмкинлектәр” иле Президент платформаһы нигеҙендә бойомға ашырылған конкурста Волга буйын төбәктәренән уҡытыусылар ҡатнаша.

11 сентябрҙә Өфөлә “Киләсәк уҡытыусыһы” һөнәри конкурсының ярымфиналы старт ала.
“Рәсәй – мөмкинлектәр” иле Президент платформаһы нигеҙендә бойомға ашырылған конкурста Волга буйын төбәктәренән уҡытыусылар ҡатнаша.
Башҡортостандан тыш, бәйгелә Ырымбур, Пермь, Һамар, Һарытау, Ульяновск өлкәләренән, Татарстан, Сыуаш, Мордовия, Марий Эл, Удмурт республикаларынан туғыҙ команда көс һынаша.
"Киләсәк уҡытыусыһы" конкурсының беренсе этабы дистанцион тәртиптә үткән, бәйгелә 6724 уҡытыусы ҡатнашырға теләк белдергән. Улар араһынан яҡшы һөҙөмтәләр күрһәткән 54 команда һайланған.
Ярымфиналда Башҡортостан Хөкүмәтенең Премьер-министры урынбаҫары Фәнүр Йәғәфәров, мәғариф һәм фән министры Айбулат Хажин, Башҡортостан Республикаһының үҫеш һәм мәғариф институты ректоры Азат Йәнгиров, "Рәсәй - мөмкинлектәр иле" автономлы ойошманың генераль директоры урынбаҫары Владислав Даванков кеүек мәртәбәле ҡунаҡтарҙың килеүе көтөлә.
Рәсәй Президенты Владимир Путиндың май указдарына ярашлы тормошҡа ашырылған “Мәғариф” милли проекты сиктәрендә ойошторолған бәйге өс көн дауам итәсәк, уҡытыусылар педагогик дебаттарҙа, методик конструкторҙа һәм кейс-уйында үҙҙәрен һынап ҡараясаҡ.
Быларҙан тыш ҡатнашыусылар өсөн ҡыҙыҡлы осрашыуҙар, лекциялар һәм оҫталыҡ дәрестәре әҙерләнгән.
Ярымфинал һөҙөмтәһендә финалға үткән командалар мәғлүм буласаҡ.
#нацпроекты#миллипроекттар