Мәктәптәрҙә ентекле тикшереү көтөлә

Рәсәй Президенты Владимир Путин хөкүмәткә башланғыс кластарҙы бушлай ҡайнар аш менән тәьмин итә алмаусы мәктәптәрҙәге хәлде өйрәнергә һәм ентекле тикшереү уҙғарырға бойорҙо. Был турала Кремль мәғлүмәт сайтында хәбәр ителә.

Ил башлығы белдереүенсә, бөгөн мәктәптәрҙең 75 %-ы бушлай туҡландырыуға әҙер. Уларҙа ашханалар заманса йыһазландырылған һәм сифатлы аҙыҡ-түлек менән тәьмин ителәсәк. Был программа башланғыс кластарҙан тыш, әҙ комплектлы мәктәптәргә лә индереләсәк. Мөмкинлек бар икән, белем усаҡтары 2020 йылдың 1 сентябрендә үк бушлай ҡайнар аш бирә башларға тейеш.

#ВВПУТИН