Яңы уҡыу йылында белем усаҡтарында медицина инспекторҙары барлыҡҡа киләсәк, улар тәүге аҙнала битлек кейеүҙе, социаль дистанцияны, бина эсендә дезинфекция үткәрелеү-үткәрелмәүен контролгә аласаҡ.
Инспектор эшен медицина учреждениелары студенттары үтәйәсәк. Был хаҡта республиканың Премьер-министры Андрей Назаров "Милләт һаулығы--Рәсәйҙең сәскә атыу нигеҙе" Бөтә Рәсәй форумында белдерҙе.
"Беҙҙә 2000-дән ашыу мәктәп. Уларҙа вирустың таралыуын теләмәйбеҙ. Балалар симптомһыҙ ауырый, улар уҡытыусы, мәктәп хеҙмәткәрҙәре менән контактҡа инә, шуға вирус таралыуы ихтимал",--ти ул.