Һиндостанда авиафажиғә

Рәсәй Президенты Владимир Путин Һиндостан Президенты Рам Натх Ковин һәм ил премьер-министры Нарендр Модиға Кожикодтағы авиафажиғә сәбәпле ҡайғы уртаҡлашты. Был турала Кремль сайтының матбуғат хеҙмәте хәбәр итә.

Һиндостан самолеты Air India Express 7 августа Керала штатында авиафажиғәгә осраған.Төшөп еттем тигәндә генә, самолет юлынан сығып киткән һәм бер нисә өлөшкә бүленгән. Һуңғы яңылыҡтар буйынса 20 кеше һәләк булған, 140 кеше төрлө дәрәжәлә тән йәрәхәттәре алған. Һауа судноһында бөтәһе 190 пассажир булған.

#ВВПУТИН