Вакцина хәүефһеҙме?

Коронавирус киҙеүенә ҡаршы сығарылған препарат кеше ғүмеренә хәүеф тыуҙырмауына һәм һаулыҡҡа ыңғай тәьҫир итәсәгенә ныҡлы тикшереү үткәс кенә халыҡты вакцинациялау үткәреләсәк. Был турала Рәсәй Президенты В.В.Путин илдәге санитар-эпидемиологик хәл буйынса кәңәшмә ваҡытында хәбәр итте.

“Препаратҡа ышаныс ныҡлы булырға тейеш. Вакциналарҙың һөҙөмтәлелеген һәм хәүефһеҙлеген иҫбат итеү - мөһим талаптар. Илебеҙ өсөн халыҡтың һаулығын һәм ғүмерен һаҡлап ҡалыу беҙҙең төп бурыс. Шуның өсөн аңлы рәүештә эш итергә кәрәк,” - тине В.В.Путин.

#ВВПУТИН