Сибайҙар әүҙемлек күрһәтә

Президент грантына Башҡортостандан бирелгән ғаризалар араһында Сибайҙан тәҡдим ителгән проекттар бик күп.

Башҡортостан Республикаһы 2020 йылда Президент грантына ғариза биреүселәр араһында ғариза һаны буйынса өсөнсө урын (Мәскәүҙе иҫәпкә алмағанда) алды. Беҙҙән 160 ғариза бирелгән. Икенсе урында - Санкт-Петербург (168), беренсе урында - Белгород өлкәһе (206).
Хәбәр итеүҙәренсә, Башҡортостандың 58 проекты - 500 000 һумғаса, 81 проект - 500 мең һумдан 3 миллион һумғаса, 15 проект 3 миллион һумдан ашыуға иҫәп тота. Республиканың 38 муниципалитетынан ҡатнашалар. Иң күп ғаризаны Өфө, Стәрлетамаҡ һәм Сибай биргән.
Август аҙағына конкурсҡа йомғаҡ яһала, ә 1 сентябрҙән проекттарҙы тормошҡа ашырыу башлана.

Тулыраҡ мәғлүмәт түбәндә:
https://op.bashkortostan.ru/presscenter/news/292736/