Конституция ирекмәндәре яңылыҡтар менән таныштыра

15 июндә Башҡортостан Республикаһының ҡалаларында һәм райондарында халыҡҡа Конституцияға индерелгән төҙәтмәләр тураһында мәғлүмәт биреү буйынса мәғлүмәт нөктәләре эшләй башланы. Халыҡ күп йөрөгән урындарҙа – парктарҙа, сауҙа үҙәктәрендә Конституция ирекмәндәре дәүләттең төп документына индерелгән үҙгәрештәр хаҡында һөйләй, уларҙың һорауҙарына яуап бирә, төрлө акцияларҙа ҡатнашырға саҡыра.

Мәғлүмәт нөктәләре Өфө, Нефтекама, Бәләбәй, Стәрлетамаҡ, Яңауыл, Күмертау, Мәләүез, Октябрьский, Салауат, Туймазы, Сибай, Баймаҡ ҡалаларында һәм Иглинда, Мәсәғүттә, Ҡырғыҙ-Миәкәлә һәм Мораҡта эшләй. Ирекмәндәр сменаһы 3-4 сәғәт дауам итә. «Конституция ирекмәндәре» йәмәғәтенә 3300 ирекмән йәлеп ителгән. Уларҙың барыһы ла волонтерыконституции.рф порталында теркәлеү үтте.

Корпусты ойоштороусылар – Үҙәк һайлау комиссияһы менән килешеү төҙөгән Ирекмән үҙәктәре ассоциацияһы һәм илдең ирекмәндәр, йәштәр ойошмалары: Ирекмән-табиптар, Рәсәй студенттар отряды, Рәсәй йәштәр союзы, Бөтә Рәсәй ҡотҡарыусыларҙың студент корпусы, Рәсәй ауыл йәштәре союзы, «Минең менән хыяллан» хәйриә фонды, шулай уҡ ирекмәнлекте үҫтереү буйынса төбәк ресурс үҙәктәре, юғары һәм махсус уҡыу йорттарының ирекмән үҙәктәре, социаль йүнәлешле коммерцияға булмаған ойошмалар.