Нимә ишетәһең, үлем ишетәһең

Баймаҡ районының Күлтабан ауылы янында юл-хәрәкәте фажиғәһендә йәш ҡатын вафат булған. Башҡортостандың юл хәрәкәте хәүефһеҙле дәүләт инспекцияһы белдереүенсә, һәләкәт 9 июндә теркәлгән.

Аҡъяр-Сибай юлында 56 йәшлек иҫерек ир ВАЗ-2115 автомобилендә кюветҡа осҡан. Һөҙөмтәлә 37 йәшлек пассажиры шунда уҡ йән биргән.

Водителдең ҡанында 0,713 мг/л алкоголь булыуы асыҡланған. Әле тикшеренеү эштәре бара. Күреп белеүселәр әйтеүенсә, ҡатындың 3 балаһы етем ҡалған.

Иҫерек водитель—енәйәтсе, тип юҡҡа әйтмәйҙәр. Юлдарҙа абай булығыҙ!