Ураҙа байрамын өйөгөҙҙә билдәләгеҙ!

Рәсәй президенты В.В.Путин төбәк етәкселәре һәм йәмәғәт ойошмалары вәкилдәре менән үткән кәңәшмәлә мосолмандарҙан Ураҙа байрамын өйҙә билдәләүҙәрен һораны. “Коронавирус киҙеүенән һаҡланыу маҡсатында мәсеттәргә йыйылып, доға ҡылыуҙарҙан баш тартырға тура киләсәк. Был киҙеү бер кемде лә аямай, күп төбәктәрҙә таралыуын дауам итә. Илдәге хәлде барыбыҙ ҙа аңлап, берҙәм булып, ҡаршы сыҡҡанда ғына вирусты еңә аласаҡбыҙ,- тине ил башлығы.

Һуңғы яңылыҡтар буйынса, киҙеү Дагестан Республикаһында ныҡлап тарала. Ауылдар менән ауырыусы халыҡҡа медицина хеҙмәткәрҙәре, ярҙам ебәрелде.

Бөгөн Рәсәйҙә коронавирус менән ауырыусылар һаны 290 678 –гә еткән. 7 147 014 кеше киҙеүҙе билдәләү өсөн тест үткән.

#ВВПУТИН