«Башҡортостандың һәләтле ғаиләләре» флешмобында ҡушылығыҙ!

15 май — Халыҡ-ара ғаилә көнө алдынан “Демография” милли проекты сиктәрендә Республика халыҡ ижады үҙәге «Башҡортостандың һәләтле ғаиләләре» флешмобы иғлан итә.

--Талантлы, социаль әүҙем, халыҡ ижадына ваҡыт бүлергә өлгөргән ғаиләләр саҡырыла. Йыр-бейеүгә оҫта, музыка ҡоралдарында уйнаған йәки биҙәү-ҡулланма ижад менән шөғөлләнгәндәр социаль селтәрҙәге сәхифәләренә ғаиләнең маһирлығын күрһәткән видеороликтар һалыуығыҙ һорала,--ти флешмобты ойоштороусылар.

Яҙмаларҙа #БашҡортостандыңҺәләтлеҒаиләләре хештегын күрһәтергә кәрәк. Видеороликтарҙың ваҡыты 4 минуттан артмаҫҡа тейеш.

Флешмоб 15 майға тиклем дауам итә.

#нацпроекты#миллипроекттар