Юлдар рәтләнә

“Хәүефһеҙ һәм сифатлы автомобиль юлдары” милли проектына ярашлы, Баймаҡ ҡалаһы һәм район ауылдары юлдарын ремонтлау һәм төҙөкләндереү миҙгеле асылды.

--Көндәр йылыныу менән көтөп алған сараны йылдағыса юлдарҙағы соҡорҙарҙы ямау менән башлап ебәрҙек. 4 майҙа Баймаҡ ҡалаһы юлсылары Салауат Юлаев проспектында, Юбилей, Әлибаев урамдарында эшләп, автомобиль хәрәкәтен тотҡарлаған боҙоҡ урындарҙы рәткә килтерҙе,--тип белгертте үҙенең Бәйләнештә селтәрендәге сәхифәһендә район хакимиәте башлығы Фәнис Әминев.

Юлдарҙағы соҡорҙарҙы ямау эштәре төбәктә 16 июнгә тиклем дауам итәсәк.

#нацпроекты#миллипроекттар