Йәш белгескә юлдар асыҡ

Сибай үҙәк дауаханаһы коллективы “Һаулыҡ һаҡлау” милли проекты сиктәрендә йәш белгестәр менән тулыланыуын дауам итә. Баш табип Р.Б.Нәҙерғолов белдереүенсә, ошо көндәрҙә Сибай район-ара перинаталь үҙәгенең яңы тыуған сабыйҙар бүлегендә табип-неонатолог, анестезиолог-реаниматолог Эльмира Әхәт ҡыҙы Ғүмәрова эш башлаған. Эльмира Әхәт ҡыҙы 2012 йылда Башҡорт дәүләт медицина университетының педиатрия факультетын тамамлаған. 2012-2013 йылдарҙа “Неонатология”специальносы буйынса интернатура үткән.2012-2018 йылдарҙа Ҡырмыҫҡалы районының үҙәк дауаханаһында табип-неонатолог булып эшләгән, дауахананың балалар бүлегендә мөдир вазифаһын башҡарған. 2017-2018 йылдарҙа Ҡыуатов исемендәге республика клиник дауаханаһында табип-неанатолог эшен алып барған. 2018-2020 йылдарҙа ошо дауахананың яңы тыуған балалар бүлегендә анестезиолог һәм реаниматолог булған. 2020 йылдың мартынан Сибай ҡалаһында эшләй.

#нацпроекты#миллипроекттар