Ҡоштарҙы хәстәрләп

Сибай ҡалаһында ҡоштарҙы ҡышлатыуға айырым иғтибар бүленә. “Экология” милли проекты сиктәрендә белем биреү учреждениелары ҡышлаусы ҡоштарҙы аҙыҡ менән тәьмин итеү буйынса эш алып бара.

Ошо көндәрҙә “Аленушка” балалар баҡсаһының “Йондоҙҙар” төркөмө ирекмәндәре тәүгеләрҙән булып сараға ҡушылды. Бәләкәстәр ата-әсәләр, тәрбиәселәр ярҙамында тағараҡтар эшләп, балалар баҡсаһы биләмәһендәге ағастарға элеп сыҡты. Ҡыҙылтүштәр, ҡарабаш турғайҙар шунда уҡ осоп килеп, тағараҡтан ем сүпләй башлауын балалар ҙур кинәнес менән күҙәтте.

#нацпроекты#миллипроекттар