Һалдатҡа хат яҙығыҙ

Йәш ҡыҙҙарҙы әүҙем булырға, еңел булмаған замандарҙа хәрби хеҙмәт сафында булған егеттәрҙең күңелен күтәрергә, дәрт өҫтәргә саҡырам.Хаттарҙы 23 февраль—Ватанды һаҡлаусылар көнөнә ҡәҙәр адресатҡа ебәрергә йәки музейға алып килергә кәрәк. Өҫтәмә белешмәләр өсөн телефон: 5-53-07.

Сибай ҡала хакимиәте, мәғариф, мәҙәниәт, йәш армеецтар бүлектәре, тарих-крайҙы өйрәнеү музейы Бөйөк Еңеүҙең 75 йыллығана, Ватанды һаҡлаусылар көнөнә арнап “Һалдатҡа хат” акцияһын иғлан итә.

Акцияла һәр теләгән кеше ҡатнашып, Рәсәй Хәрби көстәре сафында хәрби хеҙмәтен үтәгән һалдаттарға хат яҙырға тейеш. Уның тематикаһы ирекле, егеттәргә үҙегеҙ хаҡында, уларҙың тормошон һорашып яҙырға, ил һағын намыҫлы һаҡлағандары өсөн рәхмәт белдререргә лә мөмкин. Байрам уңайынан открыткалар ебәреү ҙә хуплана.

--Улдары әлеге ваҡытта армияла булған ата-әсәләр, туғандары музейҙың ғилми бүлегенә 5-53-07 телефонына шылтыратып, йәки [email protected] электрон адресына һалдаттарҙың адрестарын белгертһен,--ти музей директоры Альбина Ярмуллина, сара барышын аңлатып.—Йәштәрҙе әүҙем булырға, еңел булмаған замандарҙа хәрби хеҙмәт сафында булғандарҙың күңелен күтәрергә, дәрт өҫтәргә саҡырам.

Хаттарҙы 23 февраль—Ватанды һаҡлаусылар көнөнә ҡәҙәр адресатҡа ебәрергә йәки музейға алып килергә кәрәк. Өҫтәмә белешмәләр өсөн телефон: 5-53-07.

Акцияға 28 февралдә йомғаҡ яһала.