Быйыл Баймаҡ, Йылайыр, Ҡариҙел, Нуриман һәм Тәтешле райондары “Мәҙәниәт” милли проекты сиктәрендә халыҡты хеҙмәтләндереү өсөн махсус автотранспорт (автоклуб) ала. Биш мобиль мәҙәни комплекстың дөйөм хаҡы 23 миллион һумдан ашыу.
Автоклуб—ул тауыш һәм яҡтылыҡ ҡорамалдары, экран һәм күсмәле сәхнә менән йыһазландырылған күп функциялы мобиль мәҙәни комплекс . Уның ярҙамы менән төрлө мәҙәни саралар уҙғарырға, осрашыуҙар ойошторорға, концерт программалары тәҡдим итергә мөмкин.