Ҡар ҙа, таш та мәшәҡәт тыуҙырмай

Яңы йыл алдынан Баймаҡ ҡалаһы һәм район ауылдарына юлдарҙы ике яңы коммуналь техника—ДМ автогрейдеры һәм ХТА-208.1 тәгәрмәсле трактор таҙарта башланы. Өр-яңы техника Башҡортостан Республикаһы ҡаҙнаһы субсидияһы иҫәбенә һатып алынған.

--Машиналар ҡышҡы осорҙа башлыса автомобиль юлдарын таҙартыу буйынса эшләйәсәк. Шулай уҡ Баймаҡҡа ҡала урамдарын саңдан, ҡомдан, ваҡ таштан, япраҡтан таҙартыу КО-318 КамАз шассиһындағы машинаһы ла ҡайтарылды. Төбәгебеҙгә даими ярҙам күрһәтеүсе республика етәкселегенә рәхмәтебеҙ сикһеҙ,--ти Баймаҡ районы хакимиәте башлығы Ф.Ғ.Әминев.