Күңелле үтә каникул

Сибай ҡалаһының Арҡайым ҡасабаһы балаларына ҡаланың үҙәк майҙанындағы боҙ ҡаласығына йөрөүе алыҫ. Ярай әле йыл да бында шыршы ҡуйыла, шыуыу өсөн ҡарҙан тау өйөлә. Яңы йылда бәләкәстәргә балалар майҙансығы ла хасил булды: заманса тауҙар, үрмәләү ҡоролмалары урынлаштырылды. Кистәрен дә был ерҙә балалар тауышы тынмай, сөнки тирә-яҡ яп-яҡты.