“Алма ағасынан алыҫ төшмәй”

Әмилә быйыл 11 класты тамамлай. Башҡортостандың атҡаҙанған артистары, оҙаҡ йылдар Сибай филармонияһының “Сибай” бейеү ансамблендә эшләгән Фәйзулла Ғөбәйҙуллин һәм Эльвира Аҡназарованың ҡыҙы Әмилә лә, улдары Айсыуаҡ та бәләкәйҙән бейеүгә ғашиҡ. “Алма ағасынан алыҫ төшмәй” тигән халыҡ мәҡәле тап Ғөбәйҙуллиндарға төбөп әйтелгән кеүек.

Байыҡ-2019" телевизион бейеү конкурсында Сибай ҡалаһының халыҡ мәҙәниәте һәм ялы үҙәгенең " Ынйыҡай " халыҡ бейеү ансамбле солисткаһы Әмилә Ғөбәйҙуллина еңеү яуланы һәм махсус призға лайыҡ булды. Ансамбль етәксеһе Эльвира Вәкил ҡыҙы Аҡназарова телевизион конкурстың Рәхмәт хаты менән бүләкләнде.