Халыҡ сәләмәтлеген ҡайғыртып

Баймаҡ районының Семеновск ауылында модулле фельдшер-акушер пункты асылды. Махсус ҡоролмаларҙан йыйылған ФАП заманса медицина ҡоралмалдары менән йыһазландырылған. Пациентты ҡабул итеү, процедура, балалар һәм ҡатын-ҡыҙҙар өсөн тәғәйенләнгән бүлмәләр эшләй. Электр кардиографы, дефебриллятор, дарыу препараттарын һаҡлау өсөн һыуытҡыс бар.

Яңы йылға тиклем ошондай уҡ медицина учреждениелары Ишбирҙе, Ярат һәм Түбәнге Иҙрис ауылдарында ла эшләй башлаясаҡ.