Әкиәт ҡуйырға бәләкәстәрҙе ҡуш

Сибай ҡалаһының балалар баҡсалары араһында Театр йылына арналған конкурста бәләкәстәр әкиәт сәхнәләштереп көс һынашты. Үҙенсәлекле ярышта “Ҡурай” балалар баҡсаһының Нурзәлә Зәйнетдин ҡыҙы Яҡупованың тәрбиәләнеүселәре 2-се урын яуланы.

--Театр эшмәкәрлеге балалар баҡсаһында тәрбиәүи эштең мөһим йүнәлештәренең береһе. Бала сәхнәлә үҙен иркен тота, тартынмай, оялмай, тиҫтерҙәре менән аралашырға өйрәнә. Шул уҡ ваҡытта телмәре үҫешә, байый. Бәләкәстәрҙең ижади һәләте асыла, саф күңелдәрендә сәнғәткә ҡарата зауыҡ ҡомары һалына,--ти тәрбиәсе уҙып барған Театр йылының ыңғай яҡтары бик булыуын баһалап.