Ең һыҙғанып ФАП төҙөйҙәр

Яңы йыл алдынан “Һаулыҡ һаҡлау” милли проекты сиктәрендә Баймаҡ районының Ишбирҙе ауылында модулле фельдшер-акушер пункты төҙөлә башланы. Махсус ҡоролма ауылға килтерелер алдынан урындағы үҙидара органдары ФАП-ты урынлаштырыу өсөн ер хәстәрләне. Һәр ваҡыттағыса, ауыл эшҡыуарҙары әүҙемлек күрһәтеп, төҙөлөш ҡалҡасаҡ урынды тигеҙләп, канализация өсөн шарттар тыуҙырып ҡуйған.

Ауыл биләмәһе етәкселеге башланған эштең ыңғай ғына барырына һәм ишбирҙеләр яңы йылдан өр-яңы амбулаторияла сифатлы медицина хеҙмәтләндереүе алыр, тип ышана.