Яңы йыл алдынан яңы башлыҡ буласаҡ

Кисә Хәйбулла районы хакимиәте башлығы Р.Х.Ибраһимов вазифаһынан бушатылды. Был хаҡта мәсьәлә 20 ноябрҙә үткән муниципаль Совет ултырышында ҡаралды. Район Советы депутаттары, учреждение һәм ойошмалар етәкселәре Раил Хазморат улына бергә уңышлы эшләгәндәре өсөн рәхмәт белдерҙе.

Үҙ теләге менән вазифаһын бушатыуҙы һораған Раил Ибраһимов урынына башлыҡ итеп ваҡытлыса хакимиәттең эштәр идасыһы Шәкир Дәүләтшин тәғәйенләнде. Ул 17 декабрҙә конкурс һөҙөмтәһе буйынса яңы етәксе һайланғансы ошо дәрәжәлә эшләп торасаҡ.