Эшлекле килешеү төҙөлдө

Сибай ҡалаһы хакимиәте һәм Өфө дәүләт нефть техник университеты араһында хеҙмәттәшлек тураһында килешеү төҙөлдө. Сибай ҡалаһы хакимиәте башлығы Р.Ә.Афзалов белдереүенсә, Рәсәйҙең рейтинг агентлыҡтары мәғлүмәттәре буйынса лидерҙар араһында булған юғары уҡыу йорто менән “Мәғариф” милли проекты сиктәрендә төҙөлгән килешеү ҡала өсөн яңы йүнәлеш.Иң беренсе сиратта вузға барасаҡ абитуриенттарҙы һайлап алып, уларҙы бюджет нигеҙендә уҡырға индереү мәсьәләһе ҡарала. Был ҡала йәштәре өсөн генә түгел, тотош Урал аръяғы мәктәптәренең сығарылыш кластары уҡыусылары өсөн дә ҙур мөмкинлектәр аса. Шулай уҡ бюджет нигеҙендә белем алыуға Сибайҙың урта махсус белем биреү йорттарын тамамлаусылар ҙа дәғүә итә ала.