Мутлыҡтары килеп сыҡмаған

Прокурорҙар һәм сик буйы һаҡсылары Молдова аша Испаниянан Рәсәйгә наркотик индергән төркөмдөң эшмәкәрлеген кисектергән. Был хаҡта прокуратураның енәйәтселеккә ҡаршы көрәш һәм айырым эштәрҙе тикшереү буйынса мәғлүмәт хеҙмәте хәбәр итә. Махсус хеҙмәт вәкилдәре шик аҫтына эләгеүселәрҙе ике ай буйына күҙәткән. Енәйәтселәр транспорт саралары һатып алып, уларҙа йәшерен урындар эшләп Испаниянан Молдоваға наркотиктар ташыу менән булышҡан. Ҡулға алынған мәлдә илерткес матдәләр ташыусылар Румынияла иҫәптә торған автомобилдәрҙә булған.