Тәҡдимдәр бар, проекттар ҡарала

2018 йылдың ноябренән алып Башҡортостан Республикаһы Башлығы вазифаһын ваҡытлыса башҡарыусы Р.Ф.Хәбиров етәкселегендә Инвестиция комитетының 21 ултырышы уҙғарылған. Унда 84 инвестицион проект ҡаралған, 6-һы менән килешеү төҙөлгөн. “Инвестиция сәғәте”ндә сит илдәр менән хеҙмәттәшлек итеү юлдары ла күҙ уңында тотола.Әйткәндәй, “Медиалогия” компанияһы үткәргән рейтинг буйынса, Башҡортостан Рәсәйҙең иң яҡшы 10 субъекты исемлегенә ингән, унда беҙҙең республика төбәктең инвестицион һәм эшлекле климатын яҡшыртыу буйынса 6-сы урын биләй.