Ташламалар менән ҡуллан

Рәcәй пенсия йәшен арттырыу сәбәпле, хаҡлы ялға сыҡмаған кешеләр өсөн һалым ташламалары һаҡлап ҡалынды. Быйылдан башлап хаҡлы ялға сығыу йәшенә етеп килгәндәр (хаҡлы ялға тиклем биш йыл һәм унан кәмерәк ваҡыт ҡалғандар) ер һәм мөлкәт һалымы буйынса ташламаларҙан файҙалана ала. Уларға алты сутыйҙың кадастр хаҡына торошло һалым ташламаһы бирелергә тейеш, шулай уҡ бындай кешеләр бер күсемһеҙ милек объектына һалым түләүҙән азат ителә. Ташлама алыу өсөн Һалым инспекцияһына мөрәжәғәт итергә кәрәк.