5 меңлегең ысынмы?

Рәсәйҙә иң йыш яһалған ялған аҡса—5 мең һумлыҡ. Рәсәй банкыһы мәғлүмәттә-ре буйынса, 2018 йылдың туғыҙ айы эсендә әйләнештән 29,7 мең дана ялған ҡағыҙ аҡса һәм тинлектәр алынған. Шулай уҡ сит ил валюталарын алдап яһаусылар ҙа бар.Рәсәй Енәйәт кодексының 186-сы статьяһы буйынса («Ялған аҡсалар һәм ҡиммәтле ҡағыҙҙарҙы әҙерләү, һаҡлау, күсереү һәм тотоноу») иң күп енәйәт Мәскәүҙә һәм Мәскәү өлкәһендә теркәлгән. Шулай уҡ Санкт-Петербург һәм Ленинград өлкәһе, Краснодар крайы, Түбәнге Новгород, Тула, Волгоград һәм Ростов өлкәләрендә лә ялған аҡса эшләүселәр байтаҡ икән.