Туй көнө түгел, йәшәү мөһим

Быйыл байрам дүшәмбегә тура килде. Бәлки, туйҙарҙың әҙ булыуы ял көнөнә бәйлелер--ЗАГС-тарҙың дүшәмбе һайын ял көнө, 16 ғына бүлек эшләй,--тип асыҡлыҡ индерҙеләр республиканың

Юстиция эштәре буйынса дәүләт комитетында. Февралдә тағы ла матур дата көтөлә--2022 йылдың 22 феврале. Шишәмбегә тура килгән көнгә 322 пар ғариза биргән. "Сибай ҡалаһында ла матур даталы көндө тиҫтәгә яҡын никах теркәләсәк," -- тине ҡаланың ЗАГС бүлеге начальнигы Айгөл Бохарбаева. Әйткәндәй, ЗАГС бүлеге барлыҡ эштәрен "Демография" милли проекты сиктәрендә алып бара.