Башҡортостанда - Дәүләт ҡурайсылар ансамбле

Башҡорт дәүләт ҡурайсылар ансамбле ойошторолдо. Был хаҡта дүшәмбе хөкүмәттең оператив кәңәшмәһендә республика етәксеһе Радий Хәбиров белдерҙе. Тейешле указға бөгөн ҡул ҡуйылған.

— Мәҙәниәт буйынса советта Башҡорт дәүләт ҡурайсылар ансамблен ойоштороу тураһында бик күп мөрәжәғәттәр килде. Беҙ Әминә Ивний ҡыҙы менән үҙебеҙҙең мөмкинлектәрҙе барланыҡ. Мәктәптәр ҙә, көслө артистар ҙа күп, — тип билдәләне Башҡортостан Башлығы. — Бөгөнгө көндө республиканың дәүләт ҡурайсылар ансамбленең тыуған көнө тип иҫәпләргә мөмкин.

Радий Хәбиров Республика көнөндә ошо ансамбль сығыш яһай алһын өсөн мәҙәниәт министрына тиҙ арала коллективты тупларға ҡушты.

https://www.bashinform.ru/news/culture/2024-03-11/v-bashkirii-sozdali-gosudarstvennyy-ansambl-kuraistov-3675713