+30 °С
Болотло
Мәғлүмәт
30 Сентябрь 2025, 04:25
Өфөнән халыҡ-ара олимпиада еңеүсеһе дәүләт наградаһына лайыҡ булды
Өфөнән 11-се класс уҡыусыһы София Салангина климаттың үҙгәреүе һәм экология мәсьәләләре буйынса халыҡ-ара олимпиадала һоҡланғыс еңеү яуланы.
Башҡортостан Башлығы Радий Хәбиров халыҡ-ара олимпиадала еңеү яулаған София Салангинаны рәхмәт хаты менән бүләкләне. Бүләкләү тантанаһы бөгөн хөкүмәттең аҙналыҡ оператив кәңәшмәһендә уҙҙы.
— Софияның еңеүе – беҙҙең даими системалы эш һөҙөмтәһе ул. Уҡыусыларыбыҙ Бөтә Рәсәй һәм халыҡ-ара олимпиадаларҙа призлы урындар яулай башланы, — тип билдәләне Радий Хәбиров. Ул шулай уҡ ҡыҙҙың уҡытыусыларына, ата-әсәһенә рәхмәт белдерҙе һәм уға уҡыуында уңыштар теләне.
— София, ҡайҙа ғына уҡыһағыҙ ҙа, һеҙгә уңыштар теләйбеҙ. Беҙ һеҙҙең менән ғорурланабыҙ, — тигән теләктәрен еткерҙе ул һәләтле уҡыусыға.
93-сө лицейҙың биология уҡытыусыһы Анна Вайн һәм Республика балалар экология-биология үҙәге директоры Екатерина Кошелева ла Башҡортостан Башлығы хакимиәтенең рәхмәт хаттары менән бүләкләнде.
