Сибайҙа Башҡортостан стронгмендары Рәсәй һәм Евразия рекордын уҙып китергә ниәтләй

Ошо шәмбелә Сибайҙа Башҡортостандың иң көслө кешеләре ҡатнашлығында экстрим-шоу ойошторола.

Ҡала халҡын һәм ҡунаҡтарын стронгмендарҙың мауыҡтырғыс көс шоу-программаһына саҡыралар. Улар донъя рекордын уҙып китергә әҙер.

Башҡортостан бәһлеүәндәре 100 тоннанан ашыу ауырлыҡтағы ҙур габаритлы тәгәрмәсле техниканы буксировкалау буйынса Рәсәй һәм Евразия команда рекордын ҡуйырға әҙерләнә.

Көс шоуы 20 июлдә Сибайҙың үҙәк майҙанындағы «Урал аръяғы» күп функциялы комплексында үткәрелә. Иртәнге сәғәт 10-да башлана, сәғәт 12-лә иһә көслөләр рекордын ҡарарға мөмкин.

Байрамда күп бәһлеүәндәр һәм ҙур машиналар була, тип билдәләне экстрим-шоу ойоштороусылар.

6+