"АУЫЛ ИПОТЕКАҺЫ"НЫҢ КҮЛӘМЕН АРТТЫРҒАНДАР

Программаны киңәйтеү тураһындағы ҡарар Рәсәй хөкүмәте сайтында баҫылған. Тимәк, күптәр 3% ставкаһы менән кредит алып, ауыл еренән йорт йә фатир ала ала. Әйткәндәй, "Ауыл ипотекаһы" буйынса Башҡортостан алдан бара. 2022 йылда әлеге программа буйынса төбәктә 2,1 миллиард һумлыҡ 800-ҙән ашыу кредит бирелгән. Россельхозбанк аша 450 ғаилә быйыл кредит алған, дөйөм сумма – 1,2 млрд һум.