Йәш ғалимдарға һәм юғары мәктәп уҡытыусыларына дәүләт ярҙамы

Башҡортостан Башлығы Радий Хәбиров йәш ғалимдарға һәм юғары мәктәптең йәш уҡытыусыларына дәүләт ярҙамы сараларын киңәйтеү тураһында указға ҡул ҡуйҙы. Быйыл юғары уҡыу йорттарының һәләтле йәштәренә 200 миллион һумлыҡ гранттар бүленә.

Яҡын арала гранттарҙы тапшырыу тәртибе һәм шарттары билдәләнә. Был хаҡта Башҡортостан Башлығы социаль селтәрҙәге сәхифәһендә яҙып сыҡты.

«Йәш ғалимдарға торлаҡ шарттарын яҡшыртырға ярҙам итербеҙ тип әле үк әйтә алам. Шулай уҡ уларға Рәсәйҙең һәм дуҫ илдәрҙең төп тикшеренеү үҙәктәрендә, университеттарында ғилми стажировка үтеү мөмкинлеге бирелә. Королёв һәм Курчатов кеүек билдәле уңайлы, лайыҡлы шарттарҙа йәшәүе һәм эшләүе беҙҙең өсөн бик мөһим, — тип яҙҙы Радий Хәбиров. —Йәштәрҙең үҙҙәренә мөрәжәғәт итәм: тәүәккәл булығыҙ, ижад итегеҙ, яңыһын уйлап табығыҙ, фәнде һәм бөтә тормошобоҙҙо алға ебәрегеҙ. Киләсәк — һеҙҙең ҡулда».

https://www.bashinform.ru/news/social/2022-09-01/glava-bashkirii-podpisal-ukaz-o-merah-gospodderzhki-molodym-uchenym-i-prepodavatelyam-vysshey-shkoly-2930851

БАШИНФОРМ.