Шәл бәйләү оҫталары Өфөгә барҙы

Бәләкәй Арыҫланғол ауылынан шәл бәйләү оҫталары М. Аҡмулла исемендәге Башҡорт дәүләт педагогия университетында «Башҡорт шәле һәм студент йәштәр: йолаларҙы тергеҙеп» тип аталған төбәк конкурс-фестивалендә ҡатнашты. Район мәҙәниәт йорто методисы Миңзифа Ишемғолова етәкселегендә оҫтабикәләр Нурсия һәм Райхана Суриналар фестивалдә үҙҙәренең белгәндәрен күрһәтеп, өйрәтеп, матур осрашыуҙарҙан яҡты хәтирәләр менән ҡайтты. Әйткәндәй, тәүге урындарҙы яуланылар.