Ә ҡайҙа Айгөлдәр, Айһылыуҙар?

ЗАГС реестрының мәғлүмәт-аналитика порталы 2025 йылда Башҡортостанда яңы тыуған сабыйҙарға ҡушылған популяр, шулай уҡ һирәк осрай торған исемдәрҙе яңыртты.

Ата-әсәләр улдарына йышыраҡ Әмир, Эмир, Марк, Тимур һәм Мирон тигән исемдәрҙе һайлай.  Ҡыҙҙар араһында Әминә, Амелия, София, Эмилия һәм Эва исемдәре популяр.

Һирәк исемдәргә килгәндә, малайҙар араһында — Тимран, Динияр, Симеон, Эмил, Эдуард, ә ҡыҙҙар араһында — Шанэль, Амели, Томирис, Юлиана, Шахзода.