Ырымбур госпиталенә барҙылар

Хәйбулла районы Федоровка ауылы әүҙемдәре, ауыл клубы ижади коллективы Ырымбур хәрби госпиталенә барып, яугирҙәрҙең хәлен белеште. Уларға Ырымбур өлкәһе Уртазым ауылының ансамбле ҡушылды. Улар бергәләшеп яугирҙәргә кәрәк-яраҡ алып барып ҡына ҡалманы, концерт программаһы менән сығыш яһаны. Мәктәп балалары әҙерләгән бүләктәрҙе, хаттарҙы ла тапшырҙы.

Рәсәй Оборона министрлығы федоровкаларға Рәхмәт хаты тапшырған.