Буранбайҙар ҡорбан салды

—Баймаҡ районы Буранбай ауылынан Мәүлиҙә һәм Хәлим Алтынбаевтар махсус операцияла йөрөгән яугирҙәр имен-һау әйләнеп ҡайтыуҙарын теләп ҡорбанға йылҡы салды. Уларҙың улдары Илмир, Фәнис һәм кейәүҙәре Руслан махсус операцияла. Ҡотосов Илдус Хөснулла улы аят бағышланы. Ауыл хакимиәте башлығы Ҡәйүм Рәжәп улы Уразбаев Алтынбевтар ғаиләһенә ҙур рәхмәттәр белдереп, егеттәрҙең туған яҡтарына имен-һау ҡайтыуҙарын теләне. Ауылдың уңған ир-егеттәре, «Әхирәттәр» клубы ҡатын-ҡыҙҙары берҙәм көс менән һуғымды тиҙ арала эшкәртеп тә ҡуйҙы. Аллаһ Тәғәлә сауаптарын насип итһен! Ярҙам ҡулы һуҙғандарға оло рәхмәтебеҙҙе белдерәбеҙ! Аллаһ бирһә, егеттәргә күстәнәстәр барып етһен! Донъялар тиҙерәк тынысланып яугирҙәр тыуған яҡтарға иҫән-һау әйләнеп ҡайтһын!—тип яҙала Баймаҡ районы хакимиәтенең «Бәйләнештә» селтәрендәге төркөмөндә.