"АЙГӨЛ"ГӘ ТӘҘРӘ КӘРӘК...

2018 йылдан алып йыл һайын Сибай ҡалаһының "Айгөл" балалар баҡсаһы Чайковский урамы, 18 адерсы буйынса һәм ошо тирәлә йәшәүселәр менән берлектә Урындағы башланғыстарҙы яҡлау программаһында ҡатнаша. Өс йыл эсендә күп кенә файҙалы эштәр эшләнде, иҫке ағас тәҙрәләр өлөшләтә пластик тәҙрәләргә алмаштырылды. 2021 йылда 100-гә 6 мәрәй генә етмәү сәбәпле, беҙҙең проект ситтә тороп ҡалды. Шулай ҙа төшөнкөлөккә бирешмәй, беҙ быйыл да программала ҡатнашыуҙы дауам итәбеҙ. Йомғаҡлау йыйылышында тәҡдим ителгән проектар араһында «Ағас тәҙрәләрҙе өлөшләтә пластик тәҙрәләргә алыштырыу» проекты юғары мәрәй йыйҙы. Хәҙерге көндә инициатив төркөм ағзалары документтарҙы тәртипкә һалыу эше менән шөғөлләнә. Документарҙың электрон варианты үтеү менән ул тура «Башҡортостан Республикаһының стратегик тикшеренеү институты» дәүләт автономиялы фәнни учреждениеһына тапшырыла. Конкурстың ыңғай һөҙөмтәле йомғаҡланыуын көтәбеҙ.

Зәкиә Сәлимйәнова.