Әле лә матурҙар, әле лә матур пар!

Халыҡ-ара ғаилә көнө алдынан Сибай ҡалаһының ЗАГС бүлегендә 50,60 йыл бергә ҡулға-ҡул тотоношоп ғүмер икән ғаилә парҙарын ҡотланылар. Мәсғүт һәм Фатима Ғәйетбаевтар, Камил һәм Ҡәҙриә Сафиндар, Виктор һәм Людмила Охраменко, Рим һәм Флора Һибәтовтар --гәүһәр, Кәрим һәм Фәниә Биксуриндар, Виктор һәм Антонида Бочковтар, Владимир һәм Полина Видинеевтар Александр һәм Людмила Литвиновичтар, Леонид һәм Ольга Лопуховтар, Шәфҡәт һәм Рәйфә Мәҡсүтовтар, Әйүп һәм Хәтифә Минишевтар, Наип һәм Фәүзиә Мөстәҡовтар, Рәүф һәм Гүзәлиә Ниғмәтуллиндар алтын туйҙарын билдәләне. Ошо уңайҙан бәхетле парҙарҙы Сибай ҡалаһы хакимиәте башлығы вазифаһын башҡарыусы Гүзәл Ишемғолова тәбрикләне һәм матур парҙарға Республика Башлығы Радий Хәбировтың адреслы ҡотлауын һәм иҫтәлекле бүләктәрен тапшырҙы.

Һәм ошо гүзәл юбилейҙар туғандарығыҙ һәм яҡындарығыҙ, балаларығыҙ өсөн ҙур шатлыҡ ҡына түгел, шулай уҡ йәш быуын өсөн үрнәк тә! – тине Гүзәл Әхмәт ҡыҙы.

Әйүп һәм Хәтифә Минишевтар тап 50 йыл элек 1972 йылдың 13 майында никахлашҡан. Улар 3 ул тәрбиәләп үҫтереп оло тормошҡа аяҡ баҫтырған. Әлеге ваҡытта бәхетле ҡартатай һәм ҡартәсәй Арҡайым ҡасабаһында ҙур йорт һалып, гөрләтеп донъя көтә.

3 балаға ғүмер биргән Шәфҡәт һәм Рәйфә Мәҡсүтовтарҙы ҡотларға Себер тарафтарынан махсус рәүештә балалары ҡайтҡан.

Рәүф һәм Гүзәлиә Ниғмәтуллиндар ҙа 50 йыл ғүмер бик тиҙ үтеп китте, әйләнеп ҡарарға лә өлгөрмәнек тип ваҡыттың тиҙ уҙыуына баҫым яһап. Оҙон ғүмер юлын бергә-бергә үткән матур парлы ғаиләләрҙең һәр ҡайһыһы йәштәргә түҙемлек, сабырлыҡ, тоғролоҡ һәм бер-береһен ихтирам итеп йәшәүҙәрен теләне.

Әле лә матурҙар, әле лә матур пар!

Автор:Гульдар Кадаева

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин