Матрайҙа--алтын туй

Йылайыр районының Матрай ауылында йәшәүсе Юлдаш Мәжит улы Фәрзәнә Һөйөндөк ҡыҙы Ҡәйеповтар алтын туйҙарын билдәләне. Өс бала тәрбиәләп үҫтергән ғаилә пары йәшлек хистәрен һаҡлап, бер-береһен ярты һүҙҙән аңлап матур итеп донъя көтә. Шәхси хужалыҡтары гөрләп тора: кәртәләре тулы мал, ҡош-ҡорт, баҡсаһында ишелеп емеш-еләк уңа.

Ҡәйеповтарҙы бергә йәшәүҙәренә 50 йыл тулыу уңайынан район хакимиәте башлығы Борис Мелкоедов ҡотланы һәм һаулыҡ, оҙон ғүмер, күңел тыныслығы, шатлыҡ-ҡыуаныстар теләне.