Алтын туйҙар ҡотло булһын!

Ҡотло булһын алтын туйығыҙ!Баймаҡ районының Төркмән ауылында Моҡас ауыл биләмәһендә йәшәгән һәм ошо көндәрҙә алтын туйҙарын билдәләүсе ғаилә парҙарын тәбрикләнеләр. Бәхетлеләр араһында Моҡас ауылынан Азамат һәм Алһыу Сөләймәновтар ҙа бар.Биш бала тәрбиәләп үҫтереп, оло тормош юлына сығарған, тормош йөгөн бергәләп тигеҙ тартҡан Сөләймәновтарҙы , балалары, ейән-ейәнсәрҙәре, ауылдаштары, туғандары, яҡындары ҡотланы.50 йыл бергә ғүмер итеүсе парҙарҙы беҙ ҙә ихлас ҡотлайбыҙ!

-Азамат һәм Алһыу Сөләймәновтар ауылыбыҙҙа матур итеп донъя көткән ғаиләләрҙең береһе. Азамат ағай тимер эшенә әүәҫ, Алһыу апай оҫта хужабикә, - ти ауылдаштары. Улар кеүек ғаиләләр йәмләй ауылыбыҙҙы.

Алтын туйҙар ҡотло булһын!

Автор:Гульдар Кадаева