УРҒАҘАЛАР КҮПТӘН КӨТТӨ

Баймаҡ районы Урғаҙа ауылында социаль-мәҙәни үҙәк төҙөлөшө ахырына яҡынлаша. Бинаның дөйөм майҙаны 3 мең м.кв.ашыу. Бында 300 урынлыҡ тамашасылар залы, күргәҙмә залы, балалар уйын бүлмәһе, китапхана, оҫтаханалар, тренажер залы, санузел һәм душ бүлмәләре, сисенеү-кейенеү урыны бар. Шулай уҡ балалар сәнғәт мәктәбе ошонда урынлаша.

Төҙөлөш-монтаж эштәре тамамланған. Социаль-мәҙәни үҙәкте декабрҙә тапшырыу планлаштырыла. Әле спорт, акттар залы өсөн йыһаздар алына.

Урғаҙалар өсөн был көтөп алынған объект. Яңы йылға шәп бүләк буласаҡ.